भाजपने डावल्याने वाळकी गटामधून अपक्ष उमेदवार सुवर्णा पाचपुते यांच्यासाठी तयार झाली सहानुभूतीची लाट!
श्रीगोंदा, ता. १४ : श्रीगोंदा – नगर मतदार संघामधील वाळकी गटामध्ये गाव संवाद दौरा करत असताना भाजपमधून बंडखोरी केलेल्या अपक्ष उमेदवार सुवर्णा पाचपुते यांचे फटाके आणि तोफा फोडून स्वागत करण्यात आले. अनेक वर्षांपासून भाजप पक्षाशी एकनिष्ठ असलेल्या सुवर्णा पाचपुते यांना भाजपकडून उमेदवारीसाठी डावलण्यात आल्याने त्यांच्यासाठी वाळकी गटामधून सहानुभूतीची लाट निर्माण झाली आहे.
निवडणूक जसजशी जवळ येत आहे तसतसे वातावरण चांगलेच तापत आहे अनेक वर्षांपासून पासून सत्तेत असलेल्या सत्ताधाऱ्यांचे वाळकी गटाकडे असलेले दुर्लक्ष गाव संवाद दौऱ्यामध्ये लोक सांगत आहेत सामान्य शेतकऱ्याची मुलगी म्हणून त्यांना वाढता पाठिंबा मिळत आहे असं पाचपुते म्हणाल्या.
विकासाची ही नवी दिशा एकत्र मिळवूया आणि आपल्या मतदारसंघाचे भविष्य उज्वल करूया. येत्या २० तारखेला तारखेला “प्रेशर कुकर” या चिन्ह समोरील बटन दाबून आशिर्वाद द्यावे विनंती सुवर्णा पाचपुते यांनी यावेळी मतदारांना केली.
