महाराष्ट्र राज्य पत्रकार संघाचे प्रलंबित मागण्या विधानसभेत मांडुन त्या सोडविण्यासाठी प्रयत्न करु – पाचपुते
श्रीगोंदा, ता. २८ : महाराष्ट्र राज्य विधानसभा निवडणुकीत श्रीगोंदा – नगर विधानसभा मतदार संघाचे भारतीय जनता पार्टीचे विक्रम पाचपुते यांचा मोठ्या मताधिक्याने विजय होऊन त्यांची आमदार म्हणून निवड झाल्याबद्दल महाराष्ट्र राज्य पत्रकार संघाचे वतीने नवनिर्वाचित आमदार विक्रम पाचपुते व त्यांच्या विजयाचे शिल्पकार त्यांचे आई प्रतिभाताई (अक्का) पाचपुते व वडील माजी मंत्री आमदार बबनराव (दादा) पाचपुते यांचा फेटा बांधून व पुष्पगुच्छ देऊन अभिनंदन करुन पुढील वाटचालीसाठी शुभेच्छा दिल्या.
यावेळी सत्काराला उत्तर देताना आमदार विक्रम पाचपुते यांनी पत्रकारांशी बोलताना म्हणाले की पत्रकारांच्या प्रलंबित प्रश्न पत्रकारांसाठी वसाहत व पत्रकार भवन प्राधान्य क्रमाने प्रयत्न करुन मार्गी लावु. तसेच महाराष्ट्र राज्य पत्रकार संघाचे प्रलंबित मागण्या विधानसभेत मांडुन त्या सोडविण्यासाठी प्रयत्न करु.
यावेळी महाराष्ट्र राज्य पत्रकार संघाचे तालुकाध्यक्ष माधव बनसुडे, उपाध्यक्ष मेजर भिमराव उल्हारे, उपाध्यक्ष ज्ञानेश्वर येवले, सचिव डॉ. अमोल झेंडे, खजिनदार किशोर मचे, सहसचिव सोहेल शेख, संघटक अमर घोडके, सदस्य डॉ. शिवाजी पवळ, सचिन शिंदे, इले.मी. प्रमुख अनिल तुपे आदी पत्रकार उपस्थित होते.
