लोकक्रांती
श्रीगोंदा, दि. १६ सप्टेंबर २०२४ :
श्रीगोंदा पोलीस स्टेशन कडून नागरिकांच्या सुरक्षेसाठी गणेशोत्सव विसर्जन मिरवणुक तसेच ईद-ए – मिलाद कालावधीत कुठलाही अनुचित प्रकार घडू नये त्यासाठी गुन्हे दाखल असलेल्या व्यक्तींवर प्रतिबंधात्मक कारवाई करण्यात आली आहे तसेच मिरवणूका शांततेमध्ये पार पाडण्याचे आवाहन श्रीगोंदा पोलीस निरीक्षक किरण शिंदे यांनी केले आहे.
गुन्हे दाखल असलेल्या व्यक्तींवर पुन्हा गुन्हा करू नये या करीता भारतीय नागरिक सुरक्षा संहिता २०२३ चे कलम १२६ नुसार ६० व्यक्तींवर प्रतिबंधात्मक कारवाया श्रीगोंदा पोलीस स्टेशन कडून करण्यात आली. यामध्ये गंभीर गुन्हे दाखल असलेल्या व्यक्तींवर पुन्हा गुन्हा करू नये या करीता भारतीय नागरिक सुरक्षा संहिता २०२३ चे कलम १२९ अन्वये ०५ व्यक्तींवर प्रतिबंधात्मक कारवाई करण्यात आली.
मोठ्या प्रमाणावर गंभीर गुन्हे असलेल्या व्यक्तींवर त्यांनी पुन्हा गुन्हे करू नये याकरीता भारतीय नागरिक सुरक्षा संहिता २०२३ चे कलम १६३ अन्वये ५६ इसमांना श्रीगोंदा तालुक्यातुन हद्दपार केले आहे.गणेश उत्सव व ईद – ए – मिलाद सण शांततेमध्ये पार पडावे याकरीता मंडळाचे अध्यक्ष व पदाधिकारी यांना भारतीय नागरिक सुरक्षा संहिता २०२३ चे कलम १६८ प्रमाणे १२९ नोटिसची बजावणी करण्यात आली आहे. ०२ पैक्षा जास्त केसेस दाखल असलेल्या अवैध दारु विक्रेते यांचेवर महा.दारु बंदी अधिनियम कलम ९३ अन्वये २६ व्यक्तींवर प्रतिबंधात्मक कारवाई करण्यात आली.गणेश उत्सव व ईद – ए – मिलाद सणामध्ये कायदा सुव्यवस्था बिघडवणारे समाजकंटक यांचेवर मुंबई पोलीस कायदा कलम ५६ अन्वये ०७ व्यक्तींवर हद्दपार कारवाई करण्यात आली आहे.
सर्व नागरिकांना श्री गणेश स्थापना ते विसर्जन मिरवणुक तसेच ईद-ए – मिलाद कालावधी आणि मिरवणूका शांततेमध्ये पार पाडण्याचे आवाहन श्रीगोंदा पोलीस निरीक्षक किरण शिंदे यांनी केले आहे.
