श्रीगोंदा – नगर विधानसभा निवडणुकीच्या अनुषंगाने गावभेट दौऱ्यावर असताना विविध गावांमध्ये मला भरभरून सन्मान व पाठिंबा मिळत आहे. प्रत्येक गावातील नागरिकांनी या लढाईला ‘धनशक्ती विरुद्ध जनशक्ती’ असं नाव दिलं आहे
श्रीगोंदा, ता. ८ : श्रीगोंदा विधानसभा मतदार संघातील अपक्ष उमेदवार सुवर्णा पाचपुते यांचा गाव दौरा सुरू असून त्यास त्यांना लोकांचा अभूतपूर्व प्रतिसाद मिळत आहे आज दि. ८ रोजी कोळगाव, भानगाव, ढोरजा, कोथुळ, देऊळगाव गलांडे, घोटवी, सुरोडी,वडाळी, बेलवंडी कोठार, घुगलवडगाव या गावांचा दौरा केल्यानंतर त्यांना नागरिकांमधून चांगला प्रतिसाद मिळत आहे.
श्रीगोंदा – नगर विधानसभा निवडणुकीच्या गाव संवाद दौरा मध्ये प्रत्येक गावातील मायबाप जनतेचा जो प्रचंड प्रतिसाद मिळतोय, तो अभूतपूर्व आहे. गावागावात नागरिकांनी जो सन्मान आणि आशिर्वाद दिला, त्यातूनच स्पष्ट होतंय की, ही निवडणूक जनतेची आहे आणि लोकशाहीच्या मूल्यांसाठी लढली जात आहे. जनतेच्या या विश्वासावर निवडून आल्यानंतर, आपल्या सर्वांच्या हितासाठी सदैव काम करणार असल्याचा संकल्प त्यांनी लोकांना सांगितला.
ही लढाई नुसती निवडणुकीची नाही, तर एक संघर्ष आहे, जो सामान्य माणसांच्या आवाजाला बळ देतो. धनशक्तीच्या प्रभावापेक्षा जनशक्तीची ताकद मोठी आहे, हे आपल्या एकजुटीच्या माध्यमातून दाखवायचं आहे. आपले अमूल्य मतदान म्हणजे माझ्यासाठी प्रेरणा आहे. येत्या २० तारखेला प्रेशर कुकर या चिन्हा समोरील बटन दाबून प्रचंड मतांनी विजयी करा असे आवाहन पाचपुते यांनी सर्वांना केले.
